Leioako Kontserbatorioko talde artistikoak
Kontserbatorioak musikari lotutako irakaskuntza osoa eskaintzen du eta barnean hartzen ditu bai Zentroaren barruko plan akademikoak, bai kanpoko jarduera artistikoak. Jarduera zenbat eta garrantzitsua izan, orduan eta plus handiagoa izango dute bertan dauden ikasleek musikari dagokion motibazioari eta ilusioari lotuta eta, gainera, musikari gisa izan dezaketen etorkizun profesionalean pentsarazteko aukera emango die.
Horren ondorioz, Kontserbatorioak talde artistikoen multzo zabala dauka eta horiek Musika Zentro horrek nazio mailan eta nazioartean gauzatzen duten jardun bikainari ospea ematen diote.
- KONTSERBATORIOKO ORKESTRAK. Ane Legarretak Maila Profesionaleko 1., 2., 3. kurtsoko eta 4., 5., 6. kurtsoko ikaslez osatutako orkestrak zuzentzen ditu.
- LEIOA KANTIKA KORALA. Haur Abesbatza: 11 eta 17 urte arteko ikasleak dira Basilio Astulezen zuzendaritzapeko haur abesbatza honetako kideak. Kantikan sartzeko, hautaketa-prozesu zorrotza gainditu behar dute, eta, gutxienez, 4 urteko prestakuntza eduki behar dute musika-tresna batean.
- DONIENE ABESBATZA. Garbiñe Abendañoren zuzendaritzapeko eta Musika Eskolako ikasle nagusiez osatuta dago.
- SAN JUAN BAUTISTA ABESBATZA. Ahots Mistoen Abesbatza: Kantikatik datozen bi sexuetako gazteak dira Basilio Astulezen zuzendaritzapeko ahots mistoen abesbatza honetako kideak, eta, musika zein ahots arloko prestakuntza sendoa dutenez, erraz-erraz interpretatzen dituzte abesbatza-programa heterogeneoak.
- LEIOA BIG BAND. Oskar Garciak zuzentzen du eta horrelako taldeen ohiko errepertorioa eskaintzen du: beste estilo batzuekin (salsa, swinga, bossanova...) nahastutako jazz-musika.
- LEIOAKO KONTSERBATORIOKO MUSIKA BANDA. Honako hauek dira Oskar Garciak zuzendutako bandako kideak: azken mailetako haize-ikasleak eta musika-tresnak jotzen jarraitu nahi duten ikasle ohiak.
Horrez gain, euren jarduera artistikoa lantzean behingoa bada ere, honako talde hauek ere badaude: akordeoi-taldea, txistu-taldea, klarinete-taldea, flauta-taldea, ikasle gazteagoen orkestra, helduentzako abesbatza-tailerra eta era guztietako konbinazio instrumentaldun ganbera-taldeak.